Ikinngutaalluarpit? - Ikinngutaalluarpit?
Ikinngutaalluarpit? (Ikinngutaalluarpit?) paasititsiniutaavoq qanoq ikinngutaalluarnnermut tunngasuusoq. Paasisitsiniut NAKUUSAmit 2021-mi aasaagaa saqqummersinneqarpoq meeqqallu atuarfiini atuartunut aammalu inersimasunut saaffiginnittuulluni, ukiaq 2022-mi saqqummerseqqinneqarpoq nutaanik ilinniartitsissutitaqarluni nutaanillu pingasunik videotaqarluni.
Paasititsiniut NAKUUSAp Meeqqanut Ataatsimeersuartitsinerani 2021-mi ingerlanneqartumi oqariartuutaasunit aallaaveqarpoq. Meeqqat Ataatsimeersuarneranni sammineqarpoq “Ataatsimoornerup nukittussusaa”, tassani eqqartorneqarlutik kinaassuseq,
assigiinngisitaarneq inoqatinullu attaveqaatit. Tassani Meeqqat Isummersorfii qanoq ililluta immitsinnut pitsaasumik pissusilersorsinnaanitsunnut aammalu kinaluunniit kiserliorani tikilluaqqusaasutullu misiginissaanut siunnersuutit 11-t tunniuppaat.
Ikinngutaalluarpit? meeqqat innersuussutaat oqariartuutaallu aallaavigalugit suliaapput qanorlu meeqqatut, inuusuaqqatut inersimasutullu ikinngutaalluarsinnaanermut tunngasuullutik. NAKUUSA neriuppoq paasisitsiniaanermi ilinniartitsissutit oqaloqatigiinnermut eqqarsalernermullu iluaqutaasinnaasut.
