Meeqqat Isummersorfii
Meeqqat Isummersorfi tassaapput NAKUUSAp suliniutaasa ilaat meeqqanik peqataatitsinermut tunngasoq. NAKUUSA arfineq marlunnik Meeqqat Isummersorfeqarpoq ukunani: IAvanersuaq, Avannaata, Qeqertalik, Qeqqata, Sermersooq, Kangia aamma Kujalleq.
Meeqqat Isummersorfii tamarmik qulinik 13-18 år ukiulinnik kommunip iluani tamaneersunik ilaasortaqarput, taakkulu demokratiskiusumik qinerneqartarput. Ilaasortat ukioq ataasikkaarlugu issiasarput, ukiulli tamaasa qineqqusaaqqissinnaasarput.
Årshjul
Meeqqat Isummersofiisa meeqqat inuusuttullu kommuniminni sunneeqataasinnaatinnerussavaat aalajangeeqataasinnaatinnerullugillu aammalu oqalliffissaqarnissaat pilersissallugu. Meeqqat Isummersorfiini ilaasortat kommuneminni meeqqat sinnerlugit oqaaseqartartussaapput suliniutillu aalajangersimasut, meeqqat atugarisaannik pitsanngortitsisussat kommunimilu meeqqat inusuttullu alliartorluartitsisut aallartisartartussaallugit.
Meeqqat Isummersorfiisa kommuniminni susoqarnersoq malinnaasinnaaniassammata kommunimi Nakuussaaqqat qanimut suleqatigaat, taakkulu atuarfinni elevråditupajaaq ingerlasuupput. Taamaalillutik Meeqqat Isummersorfii kommunimi pisunik immersorneqartarput. Nakuusaaqqat pillugit uani paasisaqarnerugit.
Meeqqat Isummersorfii aamma politiskiuvoq. Politikkikkut meeqqanut inuusuttunullu attuumassutilinnik suliniuteqartoqartillugu, suliaqartoqartillugu, iliuusissanik pilersaarusiortoqartillugu assigisaannillu, peqataatinneqartarput aperineqartarlutillu. Politerinik kommunerisaminnilu kommunalbestyrelsemut siunnersuisarsinnaapput, aammali Naalakkersuisunut.
Ukiut tamaat Meeqqat Isummersorfiini ilaasiortat tamarmiullutik Meeqqat Ataatsimeersuartinneqarneranni naapittarput, tassanilu sammisamik itisiliillutik suliaqartarput aammalu Naalakkersuisunut borgmesterinullu innersuussutinik suliaqartalutik. Inersimasut meeqqat oqariartuutaat pimooruttussaavaat peqataatitsillutillu – taamaattumik Meeqqat Isummersorfiit arfineq marluusut aaqqissuussaraagut.
Illit kommunerisanni meeqqanut inuusuttunullu tunngatillugu sunniuteqaqataarusuppit? Taava una tooruk paasiniarlugulu qanoq.
Meeqqat Isummersorfiini ilaasortatut:
- Naalagaaffiit Peqatigiit Meeqqat Pillugit isumaqatigiissutaat pillugu immikkut ittumik ilisimasaqalissaatit qanorlu isumaqatigiissut meeqqanut inuusuttunullu attuumassuteqarnersoq
- Najukkanni suliniutinik aallartitsissaatit kommunerisanni meeqqat inuusuttullu pitsaanerusumik alliartornissaannut iluaqutaasussanik.
- Meeqqat oqariartuutaat najukkanni nunalu tamakkerlugu oqaluuserineqarnissaat isumagissavat
- Meeqqat Isummersorfii ersarinnerulernissaanut ilaassaatit inuusuttullu allat kajumissuseqalersillugit