Kinami Oqass - Akulerutissaagut!

“Kinami Oqass” paasititsiniutaavoq meeqqat pisinnaatitaaffiisa kissaataasalu assigiingissusaannik nassuiaaniartoq. Paasititsiniaaneq inersimasut akisussaaffimmik tigusillutik meeqqat inuunerannut “akulerunnissaannut” kaammattuisuuvoq. NAKUUSA isumaqarpoq ”Akulerunneq” asannittumik iliornerusoq!

Asannittumik akulerunneq killiliineruvoq piumasaqarnerlu, aamma sinaakkutit ersarissut meeqqamut toqqissisimatitsisut. Asannittumik akulerunneq aamma isumaqarpoq meeqqap atorfissaqartilissappagu annerusumik isumassuinissamut periarfissaqarneq. Meeqqammi pisinnaatitaaffigaat.