Atuartitsinermut atortussiat
Quppernerni uani atuartitsinermut atortussiat takusinnaasatit NAKUUSAmit UNICEFimillu sanaajupput. Tassunga peqqutaavoq suliassat, siunnersuutit ilitsersuutillu taakkunaneersut pitsaasuummata, taakkulu meeqqat atuarfiini atorluarneqarsinnaapput. Suliassat atuartitsinermullu atortussiat tamarmik Naalagaaffiit Peqatigiit Meeqqat Pillugit isumaqatigiissusiaanit aallaveqarput, meeqqanillu akuutitsineq eqqarsaatigalugit ineriartortinneqarsimallutik.
Atuartitsinermut atortussiani suliassat tamarmik ukiukkaarlugit agguataarneqarput, taamaalillutit suliassat sorliit qassinut ukiulinnut naleqquttuunersut takugasuarsinnaaniassagakkit.
Misigiguit atuartitsinermut atortussiat arlaatigut amigaateqartut NAKUUSAmut saaffiginninnissat tikilluaqqujuannarparput info@nakuusa.gl
Atuartitsinermut atortussiat
Nakuusap nittartakkakkut atuartitsinermut ilitsersuutai Nakuusap nittartakkakkut atuartitsinermut ilitsersuutai meeqqat pisinnaatitaaffiinik paasisaqarnerunissamut atuartitsissutaapput. Meeqqat pisinnaatitaaffii paasinartunngorlugit atuartitsissutit nittartakkakkut toqqaannaq atorneqarsinnaapput.