Nakuusaaqqat
Nakuusaaqqat NAKUUSAp meeqqanik akuutitsiniarnermik suliniutaannut ilaapput. Nakuusaaqqat elevråd-inut assingupput, meeqqat inuusuttulu atuarfinni oqaaseqartartuullutik. Nakuusaaqqat meeqqat inuusuttullu atuarfimmi sunneeqataasinnaanerinut periarfissiisuupput – annerusumik alliartornermut, ilikkagaqarnermut ineriartornermullu tunngatillugu.
Nakuusaaqqat aallavittut akullerni angajullernilu atuartunik qulinik ilaasortaqarput, taakkulu atuarfimmi demokratiskiusumik qinerneqartarput.
Nakuusaaqqat suliaat Naalagaaffiit Peqatigiit Meeqqat Pillugit isumaqatigiissusiaannik aallaveqarput, atuarfimminnilu suliassat sammisassallu meeqqat atugarisaannut pitsaanerulersitsisussat aallartitsisartarlugit.
Nakuusaaqqat aamma Meeqat Isummersorfii atuarfinni meeqqat inuusuttullu tusaaneqarnissaat qulakkeerniarlugu suleqatigiittarput. Nakuusaaqqat ilinniartitsisoqarput, taassumalu eqqartorneqartunik Meeqqat Isummersorfiinut ingerlatitseqqittartuupput, taakku ataatsimiinnerminni oqallisiginiassammatigit.
Årshjul
Nakuusaaqqani ilaasortatut:
- Naalagaaffiit Peqatigiit Meeqqat Pillugit Isumaqatigiissusiaat pillugu immikkut ilisimasaqalissaatit ilisimasatillu meeqqat inuusuttullu atugarisaannik, peqataatinnisaannik oqartussaaqataanerannullu atussallugit
- Atuarfinni meeqqat inuusuttullu atugarisaannik pitsaanerulersitsisussanik aallartitsisassaatit
- Ilisimasannik ingerlatitseqqiissatit Meeqqallu Isummersorfii suleqatigissallugit
- Nakuusaaqqat ersarinnerulernissaannut ikiuutaassaatit meeqqat inuusuttullut najukkami suliaqarusulernissaannut kajumissaaralutit
Ilinniartitsisut atuarfiulluunniit pisortaa aperiuk atuarfissinni Nakuusaaraqarnerlusi.
Atuarfissinni Nakuusaaqqat pilersikkusukkussigit,
uunga attavigisigut info@nakuusa.gl