Meeqqat Isummersorfiini ilaasortatsinnut nersortarialinnut nunatsinni sumiiffinni siammarsimasunut qamannga pisumik qujanaq! Ilissi tunniusimanersi tunniussasilu NAKUUSAmut ataatsimullu siunissatsinnut pingaaruteqarluinnarput.
Naalagaaffiit Peqatigiit meeqqat pisinnaatitaaffii pillugit isumaqatigiissutaanni artikel 12 naapertorlugu, meeqqat isumaannik ataqqinninnissaq inersimasutut pisussaffigaarput. Tamanna meeqqat nipaannik naalaarnerinnaanani aalajangiiniarnernili suleqatiginissaannik nassataqarpoq.
Tamannarpiaq NAKUUSAmi suliniutigaarput, 2023-imilu Meeqqat Isummersorfiini ilaasortat 44-it- ilaatigut sunngiffik peqqinnartoq oqallisigalugulu isummersorfigaat.
Tamakku pisullu allat NAKUUSAp 2023-imi ukiumoortumik nalunaarusiaani annertunerusunik paasisaqarfigisinnaavatit.