Kalaallit Nunaanni meeqqanut allanngueqataarusuppit? Tamanna periarfissaavoq NAKUUSAmi ilinniartutut sulileruit. NAKUUSAmi ilinniartumik suleqatissarsiorpugut piumassuseqarluartumik torersumillu suleriaasilimmik. NAKUUSAmi suliassanut soqutiginarluinnartunut ikioqataasussamik suleqatissarsiorpugut, assersuutigalugu Meeqqat Isummersorfiini Nakuusaaqqanilu ingerlatsinermi, ukiumoortumillu NAKUUSAp Meeqqat ataatsimeersuartinneqarata soqutiginarluinnartup ingerlanneqarneranni. Suliniummi ingerlatsisup qanimut suleqatigalugu NAKUUSAmi suliniutit ingerlatissavasi.
NAKUUSA
Meeqqat pillugit isumaqatigiissutip eqqumaffigineqarnerulernissaa ersarinnerunissaalu siunertaalluni NAKUUSA Naalakkersuisunit UNICEF Danmarkimillu suleqatigiiffiuvoq. Nuummi allaffimmi piffissaq tamakkerlugu sulisut tallimaapput. Allaffiup UNICEF Danmark qanimut suleqatigaa, ilinniartutullu sulisutut nunat assigiinngitsut akornanni sulisut ataatsimiinneranni peqataasinnaavutit.
NAKUUSAmi ukioq naallugu assigiinngitsorpassuarnik pisoqartuaannarpoq aammalu nutaanik atortussiorneq ingerlanneqartuartarluni. Paasititsiniutit, paasissutissanik atuartitsissutissanillu atortussiorneq, meeqqat oqartussaaqataanerisa sunneeqataasinnaanerisalu qulakkeernissaat ingerlanneqarnissaallu suliaraagut, kommunini najukkani aallaaveqartarnissaq ilanngullugu.
Suliassatit tassaapput:
- Meeqqat Isummersorfiini Nakuusaaqqanilu(pisinnaatitaaffiit isumalioqatigiissutaat) suliniutit ataqatigiissarnerini ineriartortinnerinilu suliniutini ingerlatsisup ikiornissaa
- Meeqqat isummersorfiini ilaasortat, kommunini attaveqaataasut ilinniarititsisullu attaveqarfigisinnaat
- Meeqqat Isummersorfiini attaveqaataasullu ataatsimiinnerinik ataqatigiissarineq ingerlannissaallu, imaqarniliorneq saqqummiussassanillu suliaqarneq
- Meeqqat ulluannik Meeqqallu Ataatsimeersuartinneqarnerinik aaqqissuisooqataaneq
- saqqimmiussassanik paasissutissanillu suliaqarneq
- suliat takkuttut allat, aammalu NAKUUSA aamma UNICEF.gl-imi suliassat
- Allatassat annikitsut, soorlu SoMe-mut atugassat kalaallisut aamma danskisut suliarinissaat
- Allaffinni suliassat allat
Suliassat piginnaasatit aallaavigalugit nalimmassarneqarsinnaapput.
Piginnaasat:
- Meeqqat pisinnaatitaaffiinik suliaqareersimasinnaavutit
- Meeqqat inuusuttullu pillugit aamma/imaluunniit attaveqarnermut misilittagaqartuusinnaavitit
- Ajornartinnagu kalaallisut danskisullu allassinnaallutillu oqalussinnaassaatit
- Eqeersimaartuussaatit namminersorsinnaassuseqarlutik ilikkarusussuseqarlutillu
- Suleqateqarsinnaaneq attaveqallaqqissuunerlu
Neqeroorutigaagut:
- nunat tamalaat akornanni suliffeqarfimmi suliassamut pikkoriffilimmi sulisinnaaneq
- meeqqat pisinnaatitaaffiinik ilisimasamik siammaaqataasinnaamik
- meeqqat tusaaneqarnissaannut pingaaruteqartuuneq
- allaffik assigiinngitsorpassuarnik suliassaqarfilik
- suleqatit suliniutinut annerusunut minnerusunullu misilittagallit
Suleqatissarsiorpugut ilakkuminartumik, meeqqanut inuusuttunullu aammalu suleqatigisartakkanut allanut attaveqallaqqissumik. Meeqqat inuusuttullu isumaannik annissuiffiinik pilersitsinissamut piumassuseqartuussaatit, oqariartuutaasalu ingerlateqqinnissaannik tapersersuissallutit.
Akissarsiat atorfeqarnermilu atugassarititat
Sapaatip akunneranut 10-15 tiimit sulisassaatit pisariaqartinneqartullu aallaavigalugit aaqqissuunneqarsinnaapput.
Unnukkut weekendinilu ataatsimiittarnisissaq angalasarnissallu ilimagissavat. Meeqqat ataatsimeersuartinneqarnissaa sioqqullugu kingornalu sulinerunissat naatsorsuutigissavat.
Qinnuteqaat atorfinitsitsinerlu
Qinnuteqaat cv-lu kingusinnerpaamik 27. marts 2024 uani: https://unicefdk.career.emply.com/da/ad/nakuusa-soger-studentermedhjaelper/9qrrvk/kl
Apeqqutissaqaruit NAKUUSAmi suliniummut aqutsisoq, Mie Skou Larsen , mslarsen@unicef.dk , 277022-mut saaffiginnissinnaavutit
Qinnuteqarnermut piffissaliussaq:
27. marts
Oqaloqatiginninnerit Ingerlanneqallattaassapput
Immikkoortortaqarfik:
Kalaallit Nunaat, Nuuk.
Piffissaq suliffissaq
Sapaatip akunneranut nalunaaquttap akunneri 10-15-it.