2022-mi pisimasunut pingaarnerpaanut nalunaarusiani NAKUUSAp saqqummersippaa
”Meeqqat qanoq oqariartuuteqarnerinik inersimasut tusarnaassapput. Meeqqamut qanimut attaveqaataanut, najugaqarfiusumi inuiaqatigiinni inersimasunut, kommunini atorfilittanut politikerinullu, kiisalu nunami namminermi atorfilittanut politikerinullu tamanna tunngavoq. Taamaattumik NAKUUSAmi Meeqqat Isummersorfii suli annertunermik nukittorsassapput. Kommunalbestyrelsinut inassuteqarsinnaanerup saniatigut Meeqqat Isummersorfii Naalakkersuisunut aamma Inatsisartunut inassuteqartassaaq.”
Tamanna ”2023-2030-mut Naalagaaffiit Peqatigiit meeqqat pillugit isumaqatigiissutaannik naammassinninnissamut iliuusissatut pilersaarut”-mi, 2022-mi saqqummersumi Naalakkersuisut allappaat. Taamaalillunilu Kalaallit Nunaanni meeqqat oqariartuutaat tusarliisarfittut NAKUUSA-mi Meeqqat Isummersorfiisa inissisimaffiat sukumiisumik aalajangiunneqarpoq.
2022 aamma tassaasimavoq ukioq Meeqqat Isummersorfiini meeqqat marloriarlutik ataatsimeersuarfigisaat, taakkunani Kalaallit Nunaanni silap pissusiata allanngoriartorneri sammineqarlutik. Nuna tamakkerlugu klassit 71-it, atuarfiit 35-t, meeqqeriviillu pingasut Meeqqat Ulluanni Color Runimi peqataapput. Meeqqat UNLEASHimi peqataasut Kunngikkormiup Ataqqinartup Kunngissap Nuliata Maryp tikeraarpai. Aamma meeqqat inersimasullu tusintillit arlallit ”Ikinngutaalluarpit? Er du en god ven”-ip filmitaa ussassaarutitaalu takuaat.
Ukiumut nalunaarusiatsinni tamakku – sulilu annertunerit – pillugit atuarina.