Meeqqanik peqataatitisineq

Atuartitsininni assigisaaniluunniit meeqqanit peqataatitsinissamut soqutiginnipput?

NAKUUSAp meeqqanut isiginnittariaasia Naalagaaffiti Peqatigiit Meeqqat Pillugit Isumaqatigiissusiaanik taassumalu meeqqat naligalugit inooqatataalluni isiginninnermik tunngaveqarpoq. Meeqqat Pillugit Isumaqatigiissutip inuiaqatigiinni meeqqat sunneeqataanissamut aalajangeeqataanissamullu pisinnaatitaaffianik meeqqallu inuttut kinaaneri erseqqissarpaa. Artikel 12-imi meeqqat isummaminik annissuinissamut pisinnaatitaaffiat erseqqissarneqarpoq. Meeqqat ukiuinut inerisimassusaanullu naleqqutissappat iluaqutaassappallu aalajangiisoqassatillugu peqataatinneqassapput aalajangeeqataatinneqarlutillu.

Ulluinnanni meeqqanik peqataatitsinerosusuttunut najoqqutassiorpugut:

  • Meeqqat inersimasullu naleqarput naligititaanatilli. Tamanna isumaqarpoq inersimasutut oqaloqatigiinnerup toqqissisimanissaa akisussaaffigigit.
  • Meeqqat inuusuttullu oqariartuutaat inissaqartillugillu ataqqeqatiginnermik misigitikkit. Pilersitseqatigiinnissamik isummanillu annissuisinnaanermut nakussassaataassaaq.
  • Meeqqanik peqataatiqassagaanni pilersitseqateqassagaannilu inersimasoq meeqqanik oqaloqateqarnermini meeraq aqutsisunngortissinnaasariaqassavaa
  • Meeqqap misilittagai alapernaaffigikkit. Inersismasutut meeqqat naapinnerini silarusaannut pulanissannut periarfissatsialaavoq. Taamaammat oqalutsinnerukkit tusarlaarlugillu
  • Tunuarsimaalaarit meeqqatut sassarnissaannik periarfissillugit.
  • Inersimasutut akisussaaffigaat meeqqat inuusuttullu oqarfigissallugit tunniussaat kingorna atorneqarumaartut.

Inersimasutut meeqqat isumaat kissaataallu tusarnaassavagut, ataqqilluigt eqqarsaatigalugillu, meeqqalli namminneq aalajangiisussaanngillat. Meeqqat inersimasut tapersersuinissaat siunnersuinissaallu pisariaqartippaat, meeqqalli oqaaseqarsinnaassapput peqataallutillu, oqariartuutaallu pimoorunneqartariaqarlutik.

Angerlarsimaffinni, ilinniartitsininni, sunngiffimmi il. il meeqqanik peqataatitsineq pillugu suli ikiortariaavit? Taava saaffiginnigit uunga info@nakuusa.gl