Suliniut

Uagut ulluinnarput, uagut niperput

”Uagut ulluinnarput, uagut niperput”

”Uagut ulluinnarput, uagut niperput” suliniutaavoq annertooq, nunatsinni kommunit suleqatigivagut aammalu atuarfiit atuartullu. Nunami kommuunit sisamat qanimut suleqatigalugit inerisarneqarpoq qulakkeerneqarlunilu meeqqat imminnut tunngassuteqartunut aalajangiisoqassatillugu ilanngunneqartarnissaat aammalu aalajangeeqataasarnissaat. Tamannami pisinnaatitaaffigaat.

Suliniummi meeqqat sunneeqataasinnaanissaat piffimmut kommunimullu pitinneqarpoq – tassa piffinni meeqqat ulluinnarisaanni aalajangiisoqartarpoq.

Ingerlataq sisamanik Meeqqat Isummersorfiinik kommunikkaartunik inuttaqarpoq, taakkulu qulit 15-illu akornanni ilaasortaqarput, ukiumut ilaatigut siunnersuutit isummallu eqqartorniarlugit naapittoqartarpoq, Nakuusaaqqaneersuusarput kommunini atuarfinneersuniit. Atuarfinni Nakuusaaqqat sulinerat ilinniartitsisuniit ataqatigiissaarneqartarpoq. Kommunikkaartuni Meeqqat Isummersorfii nunatsinni atuartut aammalu kommunini aqutsisut ataqatigiisittarpaat.

NAKUUSAp suliniut tamaat ataqatigiisippaa aammalu ingerlatami paasissutissat tamarmik apuuttarnissaat isumagisaralugu.

Uunga attaveqarfigisinnaavatsigut info@nakuusa.gl, suliniummut tunngasunik paasisaqarnerorusukkuit.

Ataani atuaqqigit

Meeqqat Isummersoqatigiivi nunap kommuuniini sisamani

Nunatsinni kommuniini sisamani Meeqqat Isummersoqatigiivi qulinik 15-niilluunniit ilaasortallit nassaassaapput. Ilaasortat ukiumut arlaleriarlutik naapittarput, innersuussutigineqartullu Nakuusaaqqaniit atuarfinni assigiinngitsuneersut eqqartortarpaat. Sulinerat siunnersuutinik nassataqartarpoq, meeqqat pisinnaatitaaffiinik nipaannillu naleqarnerulertitsisinnaasunik, kommuninullu siunnersuutit ingerlateqqinneqartarput.

Kommunini sisamaasuni Meeqqat Isummersorfii ukiumut ataasiarlutik Meeqqat ataatsimeersuarneranni naapittarput, tassanilu meeqqat pisinnaatitaaffii eqqartorneqarlutillu suliarineqartarput. 2016-inimi Meeqqat ataatsimeersuarneranni innersuutit 16-it naammassineqarput, nunami atuartut atuarluarsinnaanerulernissaannut ikiuutaasinnaasut. Innersuutit Ilinniartitaanermut Naalakkersuisumut aammalu kommunini aqutsisunut nassiunneqarput. Uani innersuussutit 16-it nassaarisinnaavatit (Link ikkunneqarumaarpoq).

Atuarfinni Nakuusaaqqat

Nunami atuarfinni amerlasuuni Nakuusaaraqarpoq (pisinnaatitaaffinnik siunnersuisut), ilaasortat tassaasarput atuarfinni anginerni atuartut.

Atuarfinni minnerni aamma akullerniit minnerniillu ilaasortaqartarpoq. Nakuusaaqqat naliginnaasumik qaammammut ataasiarlutik naapittarput, pisinnaatitaaffinnut tunngassutilinnik suliaqartarlutik, soorlu ilaatigut atuarluarnissamik aammalu atuartinneqarluarnissamut pisinnaatitaaffiit.

Ataatsimiinnerit atuarfimmi Nakuusaaqqani ilinniartitsisut ataqatigiissartarpaat aammalu taakku suliaat kommunini Meeqqat Isummersorfiinut nassiunneqartarput, siunnersuutillu tassanngaanniit kommunini aqutsisunut ingerlateqqinneqartarput.

Atuarfinni Nakuusaaqqanik ilinniartitsisut

2015-ip 2016-illu ingerlanerini ilinniartitsisut atuarfinni arlalinneersut meeqqat pisinnaatitaaffii pillugit ilisimasat aammalu Meeqqanut tunngasunik isumaqatigiissut pikkorissarfigivaat NAKUUSAmiit ingerlanneqartoq. Pikkorissarnerup ilinniartitsisut meeqqat pisinnaatitaaffii pillugit ilisimasaqarnerulersillugillu paasinninnerulersippaat, taakkulu ilisimasat atuartunut Nakuusaaqqanut ingerlateqqinneqarput. Ulluinnarni isumagisarpaat atuarfimmi Nakuusaaqqat ingerlalluarnissaat NAKUUSAmiit siunnersorneqarlutik aammalu suleqatigineqarlutik.

”Isumaqarpunga ilinniartitsisut TAMARMIK NAKUUSAmiit pikkorissarsimassasut! Sakkussannik aammalu meeqqat ilinniartitsisutut sulininni allatoqqinnaaq peqataatinnissaannut piumassusinippunga. Pisinnaatitaaffinnik aamma akisussaaffeqarneq annerulerpoq, atuartunullu suliaqartitsinissara qilanaareqaara!” Issuaaneq, Nakuusaaqqani ilinniartitsisoq.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Not readable? Change text. captcha txt

Start typing and press Enter to search