NAKUUSA’p

Oqaluttuassartaa

NAKUUSA’p Oqaluttuassartaa

Kalaallit Nunaanni Namminersorlutik Oqartussat UNICEF Danmark-ilu meeqqat atugarisaasa pisinnaatitaaffiinullu tunngasut pitsanngorsaaviginissaat pillugu august 2010-mi isumaqatigiissuteqarput.

Anguniagaasoq tassaavoq Kalaallit Nunaanni meeqqat peroriartornissamut ineriartornissamullu pitsaanerpaamik periarfissinnissaat. Suleqatigiinnissamut isumaqatigiissut 1. januar 2011 atuutilersoq ukiuni tallimani atuutissaaq.

Ukiuni kingulliunerusuni misissuinerit assigiinngitsut takutittarpaat Kalaallit Nunaanni meeqqat inuusuttullu amerlasuut ajornartorsiuteqartut. Tamanna ilaatigut Else Christensen-ip 2009-mi misissuinerani uppernarsarneqarpoq. Taassuma ilaatigut takutippaa Kalaallit Nunaanni meeqqat pingajorarterutaat atuarfimmi qinngasaarneqartarnermiit sumiginnagaanermut, atornerlunneqarnermut allatigullu annertuumik ajornartorsiuteqartut.

Tamanna misissuinerillu allat tunngavigalugit Kalaallit Nunaanni Namminersorlutik Oqartussanut siunissami ungasinnerusumi meeqat atugaarisaasa pisinnaatitaaffiisalu FN-ip Meeqqat pillugit Isumaqatigiissutaanut naapertuuttumik pitsanngorsaaviginissaanut pilersaarusiornissaq soorunami pissusissamisuuginnarsimavoq.

Taamaattumik Namminersorlutik Oqartussat UNICEF neqeroorfigaa Kalaallit Nunaani meeqqat qanoq iliuuseqarfiginisaanut peqataaqqullugu. Nunarsuarmi meeqqat pillugit soqutigisaqaqatigiiffittut siuttutut UNICEF meeqqat tunngaviusumik pisinnaatitaaffiinik tapersersuinermi qulakkeerinninnermilu ukiorpassuarni misilittagaqartuuvoq.

Namminersorlutik Oqartussat UNICEF-illu akornanni suleqatigiinneq Kalaallit Nunaanni inuiaqatigiit piorsarsimassusaat oqaluttuarisaanerallu ataqqillugit aallaaveqarpoq. Aallaqqaatigalugu nammineq piumassuseq aallaavigalugu soqutigisaqaqatigiiffiit, suliffeqarfiit namminersortut allallu ingerlatsisuusut ataatsimeeqatigineqartarsimapput, ingerlanniagaasorlu annertuumik tapersersorneqarsimavoq.

Isumaqatigiissut quppernerup saamiata tungaani atuaruk:

Suleqatigiinnissamut isumaqatigiissut Naalakkersuisut aamma UNICEF Danmark

Suleqatigiinnissamut isumaqatigiissut Namminersorlutik Oqartussat aamma UNICEF Danmark

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Not readable? Change text. captcha txt

Start typing and press Enter to search