Youth

4 global goals

Suliniut “Youth 4 global goals”

Isumaqatigiissut Jannuaarip 24-iani 2019-mi NAKUUSAp Kommunini Meeqqat Isummersorfiinit isumaqatigiissutigineqarpoq

NAKUUSAp kommunini Meeqqat Isummersorfii Kalaallit Nunaanni meeqqat tamaasa sinnerlugit oqariartortuupput.

Uagut NAKUUSAp kommunini Meeqqat Isummersorfiinit Peqqinnissaq Inuunerissaarnerlu suliniutigeqataaffigerusupparput, taamaaliornikkut nunarsuarmioqataanitsinni timikkut tarnikkullu peqqissuunissaq siunissami qulakkeeqataaffigissagatsigu.

NP Nunarsuarmi piujuaannartitsinissamut anguniagaat uagutsinnut isumaqarput, peqqilluta siunissaq pitsaasoq nunarsuarmi qulakkeeqataaffiginiassagatsigu. Siunnersuusiarput Nunarsuarmi Anguniakkat pingajuat, Peqqinnissaq Inuunerissaarnerlu, sammivarput, tassani nuna tamakkerlugu kiisalu kommunerisatsinni meeqqat atugaanni inuunerissaarnerunissamut aaqqiissutissat sammillutigit.

Siunnersuutigisagut assigiinngitsut sisamaapput, ilaatigut timersorneq, unnuami angalaartartut, meeqqat angerlarfissaqanngitsut ornissinnaasaat kiisalu pimmatiginnittarneq siunnersuusiaralutigit. Meeqqat Isummersorfiannit politikerit, aaliangiisartut, suliniutinut attuumassutillit suliffissuillu kissaateqarfigivagut

Peqqinnissaq Inuunerissaarnerlu pimoorussamik sammisassagaat, tassani timikkut anersaakkullu peqqissumik inuunissaq inooqataanissarlu qulakkeerumallugit”.

Asasavut politikerit aaliangiisartullu, ilissinnut
siunnersuutigerusutagut ukuupput:

  • Pimmatiginnittarneq sukannersumik inuiaqatigiinni suliniutigineqarfigineqassasoq
  • Meeqqat unnuami sumiiffissaaruttut silami aniiginnartut tamarmik orniguffissaqarsinnaalissasut
  • Nunaqarfinni illoqarfinnilu timersornerup iluani timersortarfiit pitsaasut eqqiluitsullu periarfissaassasut
    Sineriak tamarmi unnuami inersimasunik angalaartunik
    peqalissasoq

Asasavut suliniutinut attuumassutillit suliffissuillu, ilissinnut siunnersuutigaarput:

  • Suliffissinni pimmatiginnittarneq pillugu qaqilertuillusilu sammisaqartassasusi, sualuppoq meeqqanik sullitaqarussi
  • Meeqqat unnuami sumiiffissaaruttut orniguffigisinnaasaannik suliniuteqaqataassasusi
    Sumiiffigisassinni timersorfigisinnaasanik pitsaasunik periarfissaqarsinnaalersitsineq taakkuninngalu eqqiliuitsuutsinissaq suliniutigissagissi
  • Unnuami natteravnitut ittunik pilersitsinissaq suliniutigissagissi
  • Uagut meeqqat taakku suliniutit inuiaqatigiinni kommunerisatsinnilu suliniutigissallugit immitsinnut pisussaaffilerpugut. Taamaattumillu uku pilersaarutit suliniutigissallugit aaliangiuppagut:
  • Qeqqata Kommuniani pimmatiginnittarneq pillugu kommuni suleqatigalugu suliniutigissallugu aaliangiupparput, tassani allaat suliffeqarfiit suliniutitsinnut suleqatiseralugit, atuarfiit pulaartarumallutigit nakuusaaqqallu suleqatiseralugit.
  • Kommune Kujallermi kommuni suleqatiserivarput kommunimi illoqarfiit nunaqarfiillu meeqqat unnuami ornissinnaasaannik suliniuteqarusulluta, suliniutinut attuumassutillit suliffeqarfiillu aamma suleqataanissaat angujumallutigu.
  • Avannaata Kommuniani timersorfissat pitsaasut suleqataaffigiumavagut, ilaatigut timersortarfinni aserfallassimasut aaqqeeqataaffigerusullutigit kiisalu nunaqarfinni timersorfigisinnaasat pitsaasut periarfissallu aamma suleqataaffigerusullutigit
  • Kommuneqarfik Sermersuumi illoqarfiit nunaqarfiillu tamarmik unnuami angalaartartussanik pilersitsinissaq sunngiffimmi namminerisamik suliniuteqartartut kommunilu suleqatiserivagut, taakkulu pilersitseqatiseralutigit.
Scroll to Top

NAKUUSA MI-MUT
Qinnuteqarit

Ansøg til Nakuusa MI