Stillingsopslag:
NAKUUSA ilinniartumik sulisussarsiorpoq
Qinnuteqarnermut piffissaliussaq:
22. juni 2023
Oqaloqatiginninnerit sap. ak. 26-mi ingerlanneqarnissaat naatsorsuutigineqarpoq.
Immikkoortortaqarfik:
Kalaallit Nunaat, Nuuk.
Piffissaq suliffissaq
Sapaatip akunneranut nalunaaquttap akunneri 15-it.
Kalaallit Nunaanni meeqqanut allanngueqataarusuppit? Tamanna periarfissaavoq NAKUUSAmi ilinniartutut sulileruit. NAKUUSAmi ilinniartumik suleqatissarsiorpugut piumassuseqarluartumik torersumillu suleriaasilimmik. NAKUUSAmi suliassat soqutiginarluinnartunik ikioqataanissannut naatsorsuutigisinnaavat. Assersuutigalugu Meeqqat Isummersorfiini Nakuusaaqqanilu ingerlatsinermut, ukiumoortumillu NAKUUSAp Meeqqat ataatsimeersuartitsineranut soqutiginarluinnartumut, ikiuussinnaasumik suleqatissarsiorpoq. Suliniummi ingerlatsisup ataani inissisimassaatit taannalu qanimut suleqatigalugu NAKUUSAmi suliniutit ingerlatissavasi.
NAKUUSA
Meeqqat pillugit isumaqatigiissutip eqqumaffigineqarnerulernissaa ersarinnerunissaalu siunertaalluni NAKUUSA Naalakkersuisunit UNICEF Danmarkimillu suleqatigiiffiuvoq.
Nuummi allaffimmi piffissaq tamakkerlugu sulisut tallimaapput, taamaammat katillugu ilanngullutit arfiniliussaagut. Allaffiup UNICEF Danmark qanimut suleqatigaa, ilinniartutullu sulisutut nunat akimorlugit sulisut ataatsimiinneranni peqataasinnaavutit.
NAKUUSAmi ukioq naallugu assigiinngitsorpassuarnik pisoqartuaannarpoq aammalu nutaanik atortussiorneq ingerlanneqartuartarluni. Paasititsiniutit, paasissutissanik atuartitsissutissanillu atortussiorneq, meeqqat oqartussaaqataanerisa sunneeqataasinnaanerisalu qulakkeernissaat ingerlanneqarnissaallu suliaraagut, kommunini najukkani aallaaveqartarnissaq ilanngullugu.
Suliassatit tassaapput:
- Meeqqat Isummersorfiini Nakuusaaqqanilu suliniutit ataqatigiissarnerini suliniutini ingerlatsisup ikiornera (pisinnaatitaaffiit isumalioqatigiissutaat).
- ataatsimiinnerit ataqatigiissarnissaat ingerlannissaallu, imaqarniliorneq saqqummiussassanillu suliaqarneq
- Suliat takkuttut allat, aammalu NAKUUSA aamma UNICEF.gl-imi suliassat
- Allatassat annikitsut, danskisut kalaallisullu
- Allaffinni suliassat allat
Piginnaasat:
- Meeqqat pisinnaatitaaffiinik suliaqareersimasinnaavutit
- Meeqqat inuusuttullu pillugit aamma/imaluunniit attaveqarnermut ilinniagaqarsimasuusinnaavutit
- Ajornartinnagu kalaallisut danskisullu allassinnaallutillu oqalussinnaassaatit
- Eqeersimaartuuneq namminersorsinnaaneq
- Suleqateqarsinnaaneq attaveqallaqqissuunerlu
Neqeroorutigaagut:
- nunat tamalaat akornanni suliffeqarfimmi suliassamut pikkoriffilimmi sulisinnaaneq
- meeqqat pisinnaatitaaffiinik ilisimasamik siammaaqataasinnaamik
- meeqqat tusaaneqarnissaannut pingaaruteqartuuneq
- allaffik assigiinngitsorpassuarnik suliassaqarfilik
- suleqatit suliniutinut annerusunut minnerusunullu misilittagallit
Suleqatissarsiorpugut ilakkuminartumik, meeqqanut inuusuttunullu aammalu suleqatigisartakkanut allanut attaveqallaqqissumik. Meeqqat inuusuttullu isumaannik annissuiffiinut pilersitsinissamut piumassuseqartuussaatit, oqariartuutaasalu ingerlateqqinnissaanik tapersersuissallutik.
Akissarsiat atorfimmilu atugassarititat
Sapaatip akunneranut nalunaaquttap akunneri 15-it sulisassaatit, taakkulu pisinnaanerit aallaavigalugu aaqqissorneqassapput.
Unnukkut weekendinilu ataatsimiittarnissat aammalu angalasarnissat ilimagissavatit. Meeqqat Ataatsimeersuarnissaasa tungaanut kingornalu sulinerusarnissat naatsorsuutigissavat.
Tiimimusiassat 150 kr.-upput qaammallu naagaangat akissarsissutigineqartarlutik.
Qinnuteqarneq atorfininnerlu
Qinnuteqaatit cv ilanngullugu kingusinnerpaamik 22. juni 2023 nassiutissavat.
Apeqqutissaqaruit NAKUUSAmi Suliniummut Aqutsisoq, Aviaaja Pregaard, på apregaardnicef.dk saaffigisinnaavat.