NAKUUSAp oqaluttuassartaa takorluugaalu
NAKUUSA isumaqarpoq ”Ataatsimooluni nakooqatigiinneq, taannarpiaavorlu
inuiaqatigiinnut oqaatiginiagarput.
NAKUUSAp siunertaraa meeqqat inersimasullu akornanni Naalagaaffiit Peqatigiit Meeqqat Pillugit isumaqatigiissusiaanik paasisimasaqarnerulernissaq, taakkualu Kalaallit Nunaanni malinneqarnissaat. Pingaanertut isumaqarpoq meeqqat inuusuttullu pisinnaatitaaffii malinneqassasut. Aamma isumaqarpoq meeqqat inuusuttullu peqataatinneqarlutillu najukkaminni nunalu tamakkerlugu susassaqarfimminnut sunneeqataasinnaanerannik.
NAKUUSA 2010-mi aallartippoq UNICEF Danmarkip Naalakkersuisullu Kalaallit Nunaanni meeqqat inuusuttullu pitsaanerpaamik atugaqarnissaannik qulakkeerinninniarluni suleqatigiiffittut. Suleqatigiinneq aallaqqaammut 2011-miit 2015-p tungaanut ingerlanneqartussaavoq. Kingorna Uniced Danmark Naalakkersuisullu suleqatigiinnermut isumaqatigiissutaat ukiut tallimakkaarlugit nunarsarneqartarpoq, maannakkullu isumaqigiissut atuuttoq 2025-p naanissaata tungaanut atuuppoq. NAKUUSA 2016-imi nunap iluani kommuninut isumaqatigiissutit siulliitt ingerlatilerpaat, tassani Meeqqat Isummersorfiinik pilersitsinissaq siunertaalluni.
Suleqatigiissutit kommunini 2023-mi nutarsarneqassapput, tassanilu NAKUUSAp najukkani kisarsimanerunissaa kommuninilu Naalagaaffiit Peqatigiit Meeqqat Pillugit isumaqatigiissusiaat sulinermi aallaviunerulernissaa annerusumik sammineqassalluni.
NAKUUSA suliniulli aallartimmat angusaqaqaaq, aammali suli pisinnaalunilu angusassasaqaaql. Ullumikkut NAKUUSAp meeqqat peqataatinneqarnissaannik sutigullu tamatigut sammisatigullu oqariartuuteqarnissaannik suliaqarpoq. NAKUUSA isumaqarpoq meeqqat inuusuttullu oqariartuutaasa tusaaneqarnerulernissaannut – aamma politikkikkut eqqartugassatigut – ilisimatitsinerunikkut, ilinniartitsinikkut najukkanilu kisarsimanikkut aqqutaasoq. Taamaammat NAKUUSA Meeqqat Isummersorfii arfineq marluk, meeqqanik inuusuttunillu 13-niit 17-nut ukiulinnik ilaasortaqartut aammalu Nakuusaaqqat meeqqat atuarfiini amerlanerni akullerni angajullernilu atuartunik ilaasortallit pilersippaat, meeqqanillu peqataatisineq aammalu Naalagaaffiit Peqatigiit Meeqqat Pillugit isumaqatigiissut pillugu ilinniartitsisunut sammisamullu susassaqartunut kommunini ilinniartitsinerillu ingerlattarlugit.
Kikkut tamarmik Naalagaaffiit Peqatigiit Meeqqat Pillugit isumaqatigiissutip malinneqarnissaanut akisussaaffeqarput ataatsimoorlutalu kivitsilluarnerusinnaavugut.
Uani Meeqqat Isummersorfii aamma Nakuusaaqqat paasisaqarfiginerusinnaavatit. Una tooruk
Naalagaaffit Peqatigiit Meeqqat Pillugit Isumaqatigiissusiaat pillugu paasisaqarnerorusuppit?
Taava una tooruk
Angajoqqaatut susassaqartutulluunniit qanoq iliorsinnaanerlutit paasisaqarfigerusunnerusukku uani paasisaqarnerugit