Isumaqatigiissusiat

Ukiut tamaasa NAKUUSA Meeqqanik Ataatsimeersuartitsisarpoq, nuna tamakkerlugu Meeqqat Isummersorfiini ilaasortat ataatsimoortarfigisaannik, tassani aalajangersimasunik ajornartorsiutinilluunniit sammisaqartarput Nakuusaaqqat NAKUUSAllu suleqatigiinneranni toqqagaannik. Meeqqat sammisat assigiinngitsut itisilerlugit suliarisarpaat, Ataatsimeersuarnerlu inuiaqatigiinnut innersuussutit assigiinngitsut ingerlateqqittarpaat: Naalakkersuisunut, borgmesterinut illoqarfigisamullu.

NAKUUSA kingorna innersuussutit aallavigalugit isumaqatigiissutiliortarpoq, taannalu Naalakkersuisunut borgmesterinullu pingaartorsiorpalaartitsinermi, NAKUUSAp aaqqissuussaani, tunniunneqartarpoq.

Tassani isumaqatigiissusiamut atsioqatigiinneq pisarpoq, tamannalu isumaqartarpoq innersuussutit akuerineqarnerini pisussaaffimmik tigusinerusoq. NAKUUSAp suliassaraa Naalakkersuisunut borgmesterinullu innersuussutit ukiuni tulliuttuni piviusunngortinneraat malinnaavigissallugu.

Meeqqat Ataatsimeersuarneranni isumaqatigiissusiaq innersuussutillu najukkani kommunalbestyrelsip ataatsimiinneranni saqqummiunneqartarput. Tassani Meeqqat Isummersorfiini ilaasortat attaveqaataasorlu isumaqatigiissummik saqqummiisarput.

Siornatigut isumaqatigiissusiat:

2021 – Silap pissusaa

2020 – Ataatsimoornerup pissaanera