Nakuusa-miit

Qaaqqusissut

Ataatsimeersuartitsineq

Meeqqat Pisinnaatitaaffii pillugit Isumaqatigiissut novembarip 20-ani 2019 30-liissaaq. Tamanna malunnartinniarlugu NAKUUSA UNICEF peqatigalugu ataatsimeersuartitsissaaq, Naalagaaffiit Peqatigiit Meeqqat pillugit Isumaqatigiissutaannut aammalu Naalagaaffiit Peqatigiit Nunarsuatsinni piujuartitsineq tunngavigalugu ineriartortitsinissa.

27. aamma 28. November 2019 – Katuaq – Nuuk

Peqataaniarluni nalunaarfissaq:

KBK@unicef.dk-mut emailerluni kingusinnerpaamik oktobarip 25-ani 2019.

Sammisassat Qulequtai

  • Meeqqat Pisinnaatitaaffii pillugit Isumaqatigiissut Kalaallit Nunaanni qanoq malinneqartiginersoq nalilerlugu:
    Suut ingerlalluarpat suullu amigaataappat?
  • Kalaallit Nunaat Nunarsuarmilu anguniakkat:
    Nunarsuarmi anguniakkat pillugit iliuuserisat meeqqat pisinnaatitaaffiisa siuarsaaffiginissaannut qanoq iluaqutaasinnaappat?
  • Nunap Inoqqaavisa pisinnaatitaaffii, meeqqat pi-sinnaatitaaffii aammalu nunarsuarmi anguniakkat:
    Qanoq imminnut ataqatigiippat?
  • Ilinniartitaaneq, Meeqqat Pisinnaatitaaffii Nunarsuarmullu anguniakkat
    Ilinniartitaaneq pisinnaatitaaffiuvoq.

Tunuliaqutaasoq

Meeqqat Pisinnaatitaaffii pillugit Isumaqatigiissut 1989-imi atuutsinneqalermalli nunat 190-init amerlanerusut isumaqatigiissut atsiortsimavaat, Kalaallillu Nunaat taakkununnga ilaavoq.

Meeqqat tunngaviusumik, ineriartornissaminnut , illersorneqarnissaminnut aammalu aalajangeeqata-anissaminnut pisinnaatitaaffii Isumaqatigiissummi 54-inik immikkoortoqartumi aalajangersagaapput. Politikkimi, inuuniarnermi aammalu kulturimut tunngatillugu meeqqat namminiussuseqarlutik namminneq kinaassuseqarnerat Meeqqanut Isumaqatigiissummi ersersinneqarpoq.

Meeqqat Pisinnaatitaaffiisa ukiuni 30-nngortorsiornerinut atatillugu meeqqat pisinnaatitaaffiisa nunatsinni qanoq atuutsinneqartigilersimanerat NAKUUSAp UNICEFillu killiffissiorusuppaat, Naalagaaffiillu Peqatigiit nunarsuarmi piujuartitsineq tunngavigalugu ineriartortitsinissaq pillugu anguniagaat qanoq Meeqqat Pisinnaatitaaffiinut attuumassuteqarnersut nalilersuiffigitikkusullugu.

Nunarsuatsinni inuit pisinnaatitaaffiinut, assigiinngissutsimut, piitsuussutsimut kaannermullu akiuiniarnernut, suiaassutsillu assigiinngitsut naligiinnerulernissaannut, silap pissusianut tunngatillugu iliuuseqaqatigiinnissamut aammalu aningaasatigut ineriartortitsinissamut allarpassuarnullu tunngatillugu nunarsuarmioqatigiit ataatsimoorussillutik siuarsaaffissaattut iliuuseqarfigisassaattullu Nunarsuatsinni anguniakkat 2015-imi naliliiffigineqarlutillu aalajangiiffigineqarput.

Nunarsuarmi anguniakkat piviusunngortinniarlugit Naalakkersuisut, kattuffiit, inuussutissarsiortullu nunat tamalaaneersut nunaqqatillu peqatigiillutik suleqatigiiffiliortarput. Nunani tamani piujuartitsisu mik ineriartortitsinissaq, kikkulluunniit katataatinnagit, kikkullu tamarmik ataqqinassuseqartumik inuusinnaanissaat qulakkeerlugu Nunarsuarmi anguniakkani ineriartortitsineq pissasoq siunertaavoq.Nunarsuarmi anguniakkat imaraat immikkoortut assigiinngitsut 169-it assigiinngitsorpassuartigut nikisitsissutaasinnaasut, nunanilu tamani anguniagassarpassuarnut siuarsaassutitut taakkua atorneqarsinnaapput.

Meeqqat Pisinnaatitaaffii pillugit Isumaqatigiissutip, Nunarsuarmilu anguniakkat imminnut atalluinnarnerat UNICEFip nalilersuinerani takuneqarsinnaavoq, nunarsuarmi anguniakkat tamavimmik Meeqqat Pisinnaatitaaffii pillugit Isumaqatigiissummi immikkoortut ilaannut atalluinnaramik. Taamaattumik nunarsuarmi anguniakkanik piviusunngortitsinerit tamarmik meeqqat pisinnaatitaaffiinik siuarsaanissamut qulakkeerinnittartussaapput.

Ataatsimeersuarneq tamatigoortumik ingerlanneqassaaq, politikerinut, inuussutissarsiortunut, naalakkersuisoqarfinni atorfilittanut, aqutsisoqarfinnut, kommunenut, kattuffinnut, paaqqinnittarfinnullu meeqqanik sullitalinnut, meeqqallu pisinnaatitaaffiinik suliaqartunut tamanut, Naalagaaffiit Peqatigiit Nunarsuarmi anguniagaanut aammalu CSR-imik sulialinnut aammalu ilinniartunut peqataaffigissallugu tulluartuuvoq.

NAKUUSAp UNICEFillu kissaatigaat ataatsimeersuarneq aqqutigalugu Nunarsuarmi anguniakkanik suliaqartorpassuit Meeqqat Pisinnaatitaaffiisa siuarsarneqarnissaat qanoq qulakkeerniarneqarsinna anersut eqqumaffigilissagaat.

Imaa: Ataatsimeersuarnermi Naalakkersuisunit, nunani tamalaani nunatsinnilu meeqqat pisinnaatitaaffii pillugit ilisimasaqarluartunit, taamatuttaaq Nunarsuarmi anguniakkat, Nunat inoqqaavisa pisinnaatitaaffii pillugit aammalu inuussutissarsiortut inuiaqatigiinnilu Nunarsuarmi Anguniakkanik suliaqartunit, soorluttaaq meeqqanik inuusuttunillu suliaqartunit oqalugiartoqassaaq. Ullut marluk ingerlanerini immikkoortuni pingasuni sisamaniluun niit sammisat assigiinngitsut aqqusaarneqassapput, sammineqartullu tamaasa pillugit oqallinnissamut periarfissaqarluartassaaq.

Peqataaneq akeqanngilaq. Aaqqissuisulli angalanermut ineqarnermullu aningaasartuuteqassanngillat.

Imaa

Ataatsimeersuarnermi Naalakkersuisunit, nunani tamalaani nunatsinnilu meeqqat pisinnaatitaaffii pillugit ilisimasaqarluartunit, taamatuttaaq Nunarsuarmi anguniakkat, Nunat inoqqaavisa pisinnaatitaaffii pillugit aammalu inuussutissarsiortut inuiaqatigiinnilu Nunarsuarmi Anguniakkanik suliaqartunit, soorluttaaq meeqqanik inuusuttunillu suliaqartunit oqalugiartoqassaaq. Ullut marluk ingerlanerini immikkoortuni pingasuni sisamaniluunniit sammisat assigiinngitsut aqqusaarneqassapput, sammineqartullu tamaasa pillugit oqallinnissamut periarfissaqarluartassaaq.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Not readable? Change text. captcha txt

Start typing and press Enter to search